СВР – Скопје работејќи по претходни оперативни сознанија за лица кои нелегално поседуваат и злоупотребуваат огнено оружје, на  27/28.07.2010 година презема сеопфатна  и организирана  акција на подрачјето на градот и поширокото градско подрачје, со цел за пронаоѓање  на лица  кои нелегално  поседуваат огнено  оружје, како  и за  одземање на истото.

За таа цел во наведениот период беа превземени мерки и активности при што беа извршени повеќе прегледи на патнички моторни возила, како и истражни дејствија – претреси на лица и претреси на домови.

          Превземената акција резултираше со приведување на пет лица кај кои при личните претреси, прегледите во ПМВ и претресите во дом и други простории се пронајдени и запленети три пиштоли, и тоа:  пиштол, марка „Црвена Застава Модел – 70„ кал. 7,65 со рамка и шест куршуми ;  пиштол, марка „Астра„ кал. 7,65 мм со рамка и шест куршуми,  пиштол, марка „Чешка Зброевка„ кал. 6,35 мм со рамка и осум куршуми и огнено оружје во облик на приврзок,    како и  ладно оружје – боксирач, нож и метална палка.

      Во врска со тоа по документирањето на случаевите  СВР – Скопје – ЕКР – ОНТ до надлежното ОЈО ќе поднесе соодветни кривични пријави против О.А(33), Ј.М.(22), М.М.(41) и М.С.(29),сите од Скопје.