МВР го цени интересот на А1 во врска со недозволената трговија и злоупотребата на наркотиците, доколку е искрен и има за цел засилување на борбата против оние кои произведуваат, тргуваат или овозможуваат конзумирање дрога.

МВР и стои на располагање на А1 да ги сподели сознанијата за местата, на кои „на секој чекор“ се продава хероин, екстази и марихуана. Не сакаме да веруваме дека несподелувањето вакви сериозни информации е поради штитење на криминалот или пак дека истите не постојат, односно се работи за обид за манипулација.

Борбата против наркотиците бара сеопфатен општествен ангажман од сите сфери, вклучувајќи ги и медиумите и се надеваме дека А1 ќе ги осуди сите притисоци врз органите на прогонот дури и во случаи кога кривично се гонат партиски членови на чии ниви е пронаајдена марихуана. Само со искрен ангажман на надлежните институции, невладините организации и медиумите може да очекуваме уште поодобри резултати.

МВР нема да отстапи од борбата против ова зло, а изминативе 3,5 години запленети се досега рекордни, приближно 2,5 тони дрога, односно преку 2 килограми дневно. Само минатата година МВР откри и заплени околу еден тон различни дроги. Овие успеси на МВР беа поздравени и од Стејт Департментот, Европската Комисија, Интерпол, СЕКИ Центарот и сите релевантни меѓународни партнери.