Во текот на изминатата недела по спроведена дисциплинска постапка, донесени се три решенија против тројца вработени во Министерството поради сторени повреди во работењето, согласно одредбите по член 134 став 1 точка 4 и 7 од Колективниот договор на МВР .
На тројца вработени изречена им е мерка парична казна, заради пречекорување на службените овластувања согласно одредбите по член 134 став 1 точка 4 и 7 од Колективниот договор, а се работи за:
- Н.С. командир во полициска станица за гранична контрола Богородица, изречена му е парична казна во износ од 15% од месечната плата во наредните четири месеци (употребувал и бил под дејство на алкохол за време на работа);
- Б.Б. раководител на смена во полициска станица за гранична контрола Јажинце, изречена му е парична казна во износ од 15% од месечната плата во траење од шест месеци (учествувал во нарушување на јавниот ред и мир);
- Т.Н. самостоен инспектор во надворешна канцеларија за криминалистички работи Струга, изречена му е парична казна во износ од 15% од месечната плата во наредните три месеци (управувал службено возило без согласност);
|