Во периодот од 09.07.2009 до 18.07.2009 година по трет пат во организација на БИА од Австрија, кофинансирано од ЕУ , подржано од 32 земји се одржа третото интернационално антикорупциско летно училиште, во Хернстеин – Австрија, под мотото „Практиката ја задоволува науката“ .

Во истото, учество земаа претставници од полициски служби, истражни судии, јавни обвинители, судии, советници, владини функционери и претставници од невладиниот сектор од земји од ЕУ, земји кандидати за ЕУ, како и претставници од Кина, Авганистан, Ирак и Боливија. Мултидисциплинарните предавања беа одржани од страна на Меѓународно реномирани професори, научници и практиканти на тема  „Корупција и борба против корупцијата“.

Помеѓу учесниците на летното антикорупциско училиште активно учество зема и Помошник на Министерот м-р Анета Станчевска, раководител на Секторот за внатрешна контрола и професионални стандарди.